سأحكي لكم قصه واقعيه لاتظنوا انها من نسج الخيال هذه قصة واقعيه أنا بطلتها او ضحيتها..
انا أسمي حنان طالبة جامعيه أسكن مدينة الرياض حي القدس من عائله محافظه.
بدأت أحداث قصتي قبل عامين ونصف تقريبا كنت طالبه مجتهده في السنه الأخيرة من الجامعه وكنا حينذاك في فترة الأمتحانات النهائيه..
كنت أسهر الليالي وأغلب الأيام كنت أذهب للأمتحان وأنا مواصل
لم أنم_ حتى أتى أخر يوم في الامتحانات
وبعد أن خرجت من الأمتحان وأنا أكاد أن أسقط على الأرض من شدة النوم والتعب
فلماحان وقت العودة الي البيت جلست في أخر كرسي بالباص_بعيدا عن أزعاج وسوالف البنات_ لكي أغفو قليلا الى ان نصل للحي الذي به بيتناونمت نوم عميقا..
وأسيقظت وأنا خائفة أين أنا؟
وإذا بالباص خالي من البنات والسايق_أدرك حينها أن السايق قد أنزل جميع البنات منارلهن ووضع الباص في كراج الجامعه وذهب لسكنه .
بحثت عن جوالي وأخيرا وجدة في الجاكيت لكن للأسف كان مغلق لقد خلصت البطاريه _يالهي لابد وان أهلي قد أتصلوا كثيرا_
ذهبت للباب وحاولت أن أفتحه لكن دون جدوى_فانهرت أبكي وأبكي_ فاذا بي أسمع صوتا بالخارج ففرحت وخفت في آن واحد فنظرت من الزجاج فاإذا به الحارس وأخذت أطرق الباب حتى حس بوجودي وأستدعى أمن الجامعه وأخرجوني...
أعطاني جواله وأتصلت على رقم منزلنا وردت علي خالتى وصوتهامخنوق ومان عرفتني حتى أخذت تسبني وتشمني ولم تترك لي مجال أتكلم وأخر كلامها قالت لي ن(الله لايسامحك موتي أمك قهر)_
لم أتمالك نفسي من ماسمعته وأغمي علي ونقلوني للمشفى
ولماصحيت من الغيبوبه وجدت عمي وزوجته عندي سألتهم عن أمي هل صحيح ماسمعته؟
فأجاب عمي: هذا قضاء الله وقدره ليس لك شأن فيه الحمد لله إنك رجعتي سالمه يابنتي..
وذهبنا لبيتنا......[[أعذروني لإن أصف لكم ذلك اليوم المشوم]]
وبعد مرور أسبوع خرجت من غرفتى وذهبت لأخواني خالد وماجد اللذان يصغراني بقليل لكي أخذ بخاطرهم وإذا بهم ينظران لي بعين الأتهام وقال لي خالد :أني لستي أختنا ضفي وجهك.وذهبت لغرفتي اتجرع الحزن والالم والحسره_
وأتصلت بي ابنت عمي"أمل" تخبرني اننا نجحنا وغدا ستذهب لأخذ الوثيقه قلت لها أنني لا أريد أن أذهب للجامعه أحضري وثيقتي أنتي..
وفي اليوم التالي..أتت أمل لمنزلنا لكي تعطيني شهادتي فتح لها والدي الباب فسلمت عليه وقالت مبروك ياعمي حنان تخرجت بتقدير ممتاز وأخذ أبي الوثيقه ونظر ألي نظرة مريبه وإذا به يمزقها ثم يرميها بوجهي وذهب- لو لم يمزقها هو مزقتها أنا-
وبعد مرور شهرين تزوج والدي بزوجه ومرت الايام وكأنها سنين أخواني كارهيني وماكاني أختهم وخالاتي قاطعوني ومرة أبوي ترمي علي كلام أشكال ألوان وصديقاتي صاروا مايزوروني لانها طردتهم وماقدر أطلع من البيت ...ألخ
وفي يوم أجتمعوا صحباتي عند أمل بنت عمي وقلت لبوي بأروح وعيا لكن طنشت ورحت وقلت أتسلى الحين وإذا رجعت يفرجها ربك_ ورحت الساعه الرابعه عصرا ورجعت المغرب ولما دخلت البيت كان أبوي حده مشحون وجاهز من زوجته ويطيح بي طق بيده ورجله الين تعب ويجرني ويسجني بالمخزن ويسكر الباب _ولما رجعت قواي أقسمت أنه أول ما أطلع من هالسجن أني أغادر هالعالم الظالم اللي ظلموني وكرهوني ويشكون بي وأنا بريه وهم عارفين لكن الناس ماترحم.
وفي اليوم التالي جت مرة أبوي بعدماراح أبوي الدوام وفتحت الباب تتبشر تظن أني مت ولما قربت مني دفيتها بقوة وطلعت وسكرت الباب عليها رحت غرفتي أخذت عباتي وفلوس كنت أجمعها وأطلع من البيت وأقف تاكسي وأركب وانامو عارفه وين أروح أهم شي أبتعد من البيت ولما وصلت عند جامع كبير بحي الروضه نزلت ودخلت وصليت وقعدت أفكر وين أروح؟ أتصلت "ريهام" كنت أعرفها كانت طيبه وذوق بالجامعه وطلبت أقابلها وصفتني البيت ورحت لها
قلت لها سالفتي كلها قالت ماعليك أرتاحي الحين وإذا جت أمي من المشغل اكيد بتلاقي حل-أمها سيدة أعمال مشهوره بالرياض عندها سلسلة محلات نسائي
لما جت أمها وخبرتها قالت لا تخافي يابنتي مارح تضيعي أنا بأشغلك في المحل تمسكي الحسابات وتشرفي على الموضفات وأمابالنسبه للسكن بتكوني مع الكوفيرات بنفس المحل -واو طرت من الفرح-
ومرت الايام بسلام وبعد شهر وأنا بغرفتي جت عندي "ميرفت"كوفيره مصريه
وفتحت لها الباب وجلست تسولف معاي وسالتني أسئله غريبه وقالت لي أنهامعزومه عند ناس وتبيني أروح معها سألتها ناس من مصر أومن السعوديه ؟قالت:لامن السعوديه وكويسين-أنا على نياتي كنت أحسبها تتكلم عن حريم مادريت أن بنت الكلب تقصد شباب_ولماعرفت رفضت أروح.
قالت: ياغبيه راتبك اللي تأخذيه بالشهر مره أنا أخذ قده مرتين كل سهره!
قلت: بس المقابل غالي وايد_
قالت: مش حتخسيري حاقه زي ماحتخشي حتطلعي هم بدهم وجهه بشوش وخفة دم علي شويت رقص .
قلت: لا دوري غيري
قالت :غيرك كثير بس حبيت أكسب فيك معروف وخرجت!
وبعد أيام وأنا بالدوام قاعده أحاسب الزباين وإذا بي أرى زوجة أبي أتت للمحل ورأتني ياألهي ماذا أفعل وأطلق رجولي للريح..
وحضرت الشرطه وصارت مشاكل ماكانت بالحسبان وأتصلت على ريهام وخبرتني أن لا أرجع الشرطه تنتظرتني وذهبت" لصحاري مول" وجلست بالكافي أفكر وين أروح؟
وأخيرا طلبت المساعده من ميرفت وأتت الي وأخذتني وذهبنا لحي البطحاء ياألهي ماهذا الحي المقرف_وقالت أن لديهاهنا شقه صغيره لأ أحد فيها يمكني أن أنام فيها
وكانت تزورني كل يوم وتحضر الأكل معها
وبعد مرور أسبوعين قالت لي كفايه نوم ولازم تشتغلي؟ قلت:وين أشتغل وأنا لاشهاده ولامال.
قالت: عندك الجمال
قلت: لايكون أشتغل رقاصه
قالت: آمال عايزه تنام وأنا أصرف عليك معاك فرصه الى الليل ياتشتغلى ياروحي لأهلك يذبحوك.
وأحترت وفكرت ولما وصلت لقرار أتصلت عليها وجت قلت لها أنا موافقه أشتغل معاك لكن لي شرط أنك تضمنين لي زي ما أدخل أخرج بدون ما أحد يدوس كرامتي .
قالت : يابنتي أحنا زبايناVIp بعيدين عن ........ ... يالله مافي وقت روحي ألبسي وحطي ميكاج سهره صارخ
رحت أستشورت شعري ولبست تيير وتمكيجت ولماشافتني صاحت بوجهي رايحين عزا روحي بدلي وأختارت لي_ بنطلون برمودا أبيض وبدي فوشي _وكنت أبي ألبس بلوزه على البدي لكن رفضت وطلعنامن الشقه الساعه 11مساء كان فيه سياره تنتظرنا وركبنا ورحنا الفيصليه ولما دخلنا حسيت أني خارج البلاد أشكال أنواع البنات"سمر وشقر حلوات موت وعاديات مثلي"
أمابالنسبه لصاحب الحفله فكان أبن أحد المسولين بالرياض وأصحابه(سامر.زيد.رياض.وليد)
أما بالنسبه لطرب فكان مطرب غير مشهور ظهر فتره ثم أختفى.
أما بالنسبه للراقصات"أنا وشرواي" ........................
وبصراحه أستانت ورقصت وفليتها كاني بعرس لإن الشاباب بس يناضرون محترمين..
ولما جت الساعه 4الفجر أنتهت الحفله وكان لازم نروح بالدور لإن أحنا كثير والسيارات بس خمس وممنوع نروح بالتاكسي
قالت لي ميرفت أخذي عباتك وتعالي نروح نصلي الفجر في هذي الغرف
لاوالله فيها الخير تصلي الفجر بوقت
رحنا الغرفه كانت غرفه نوم كبير وفاضيه قلت بأروح دورة المياة_الله يعزكم_ ولماطلعت مالقيت ميرفت وأطلع والا مافي أحد بالشقه الا أنا وأبن المسؤل المحترم سالته وين ميرفت قال راحت قلت وأنا في غايه الخوف أبلحقها وجريت يم الباب ولحقني ومسكني ورماني عالسرير ومسك كتفي وهزني وقال أنا أبن...ألي أبيه يصير وأنا أصيح وأبكي وفتحت عيوني وأمل بنت عمي تقول يالله أصحي قربنا نوصل البيت مسكت يدها وطحت فيهابوس وحمدت الله أني كنت أحلم"
___________________ههههههههههههههههههههههههههههههههههههههههههههه...اتمنى انها اعجبتكم
تحياتي لكــــم
[/size]
: :
