ديــوآن [ ليــآلي نــجد ] -

أشوفك كل يوم و أروح ..
و أقول نظره ترد الروحـ ..
أعيش فيها عشان بكرا ..

عشان ليلي اللي كله جروح ..
- صحيح النظرة ما تكفي ...
من الآلام ما تشفي . .
ولكن عذرنا الحاضر..

نراعي الوقت و الخاطر..
ومادام النظر مسموح

أشوفك كل يوم واروح..
+ عسى نظره ترد الروح..
توصيني على الكتمان ..
وتبغى حبنا مايبان ..
- وتنساني ..
تقول لي ودنا صافي ..
وتحسب حبنا خافي !!
ترا راعي الهوى مفضوح ..
نخاف من إيه والدنيا تحاسبنا على الثانية..
بتاخذ مننا الأشواق وتعطينا حياة ثانية..
يا صاحب المعنى :
إن كنت تســمعنا

لا الوقت يخــدعنا
ويرجع و يتعنى

ما به احد غيري يا بنت..
أحبابك سروا ..
لا تسأليني تغيروا..
يمكن نسوا أو ما دروا..
يا حلوتي ضاع الوعد..
وباكر بعد..
مري على دروب الجراح..
وتلقين احد غيري..
بالله لا تبكين عندي.. !
والى رحتي سوى اللي تبين
مالك عزى.. فـ قلبي الحزين
محتار أنا اسكت..
ومدري ايش أقول ؟!
لأني سبب جرحك..
و لا عندي الحلول
لكن أبوصيك بصبر.. لابد للـ غايب عذر
ويا حلوتي ضاع الوعد..
وباكر بعد...
مري على دروب الجراح..
وتلقين احد غيري
غطي سنا خدك بشال الليل..
وغيبي يا شمس اللي ضيها لغيري..
آه ..
لو تعرفي وش كثر [ أنا احبك ] ..
لو كنتِ تدري بي
يا عيونها السود.. ما به احد موجود..
غيري أنا الموعود
جرحي..
وتعذيبي..
يا حلوتي ضاع الوعد..
وباكر بعد...
مري على دروب الجراح..
وتلقين احد غيري...

قصت ظفايرها ..
ودريت !
البارحة .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. و أظنه شعر ..
أحفظ أنا حجار الطريق ..
اللي يودي لبيتها ..
واعرفها زين ..
واعرفها زين ٍ و أنا ..
لا شفتها ولا جيتها ..
قابلتها صدفه ..!!
على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..
حبيبتي .. يا حلم ..
ياللي أعرفك اسم ..
- وجهٍ تصوره الحروف .. و أتخيله !
نجم ٍ أحس انه قريب .. ما أوصله ..
أنتي اللي اعرفه .. زين ..
واللي اجهله أنتي ..
حبيبتي .. وياليتها ..
اعرفها زين و أنا .. لا شفتها ولا جيتها

ما سألته ..
أسمه .. عنوانه .. مكانه ..
ومرني .. أجمل زمانه ..
مر في قلبي وراح ..
خطوته مست جراح ..
آه .. مديت النظر ..
وآه .. جرحني النظر ..
وما سألته كيف .. ضيعته خجل ..!!
يا أنت .. خبرني من أنت ..؟!
جرحتني وين الدوا ..
وين أنت ..؟!
أنا مين أنادي .. وليه أنادي ..؟!
من أي وادي العطر ..
من أي شمس النور ..
ولا الشجن من أي شارع ..
وما سألته كيف .. ضيعته خجل ..!!
ما سألته ما مداني ..
كلها كانت ثواني ..
حرف من خوفي قتلته ..
وحرف عانقني وعصاني ..
بس وقفت فـ مكاني ..
آه .. مديت النظر ..
وآه .. جرحني النظر ..
وما سألته كيف .. ضيعته خجل ؟!

- البارحة
ربي كتب لي و مريت ..
دربٍ عليه بروق الأحباب لاحت
جيت المكان اللي جمعنا
وخفيت ..
وقامت جروحي للجوارح وصاحت
ياليتني في لفة الدرب زليت ..
كان العيون
من الدموع استباحت
التم غيم الدمع
من يوم لفيت ..
وورقا القصيد لـ شوفة الغيم ناحت
وضحكت ما أبغي الناس تدري يبالفيت ..
لكنها غصبٍ على العين
ساحت
حارت دموعي في عيوني
وصديت ..
و أرمشت ما بيها تبين ..
وطاحت
وعقبه برق في العين براق ..
و أسقيت ..
خدي و وناتي بصدري تلاحت
وأنا أحسب إني في فراقه
تشافيت ..
وان عبرتي من مدخل الزاد زاحت
اللي يحسب إني على البعد سجيت..
و إلا أن عيوني للـ رقاد
استباحت
ياليتني من قبل لا أحبه
[ اقفيت ..]
وإلا أن دروبي عن دروبه تناحت
أهون علي من البكا و التناهيت ..
وأشلا من سدودٍ على الناس باحت
عرفت كيف الحي
يفرق عن الميت ..!
وعرفت قيمة نعمتي يوم راحت
قولوله إني عقب بعده تدانيت..
و رجلي عن دروب المعافين شاحت
البعد نار
وطاعة العذل كبريت ..
يقصر على بعده .. ترى الكبد فاحت !

- سولفوا تكفون
لا عاد تسكتون ..
قبل لا أهوجس و ياتيني بلاي
السكات يزود طعوني طعون ..
وتنكسر لا جا على راسي عصاي
- سولفوا
لو ما بغيتوا اتسولفون ..
قبل لااقعد في الحزن رايح .. وجاي
واضحكوا لو بالعماله تضحكون ..
وجاملوني لو يضايقكم حكاي
لي وليفٍ راح جعله ما يهون ..
هو دواي وداي ..
أوداي ودواي
راح لكن طيف زوله في العيون ..
مرةٍ قدامي
ومرة وراي
وإن سكتوا جا وهو طيفه يمون ..
رحت أهوجس له
وأبين له ولاي
مكسب عيوني من الفرقا
مزووون ..
تمطر لطاريه ..
والبرق أصدقاي؟
كل ما طروه لو هم يمزحون ..
احرموني من غداي ومن عشاي
أدري إنه ما تناسى الود كون ..
تسمع إذنه في قفاي اللسن عداي
وكانهم قالوا نسيته !
يكذبون ..
وإلا أنا فيه أمتلك نظرة وراي
كان حبه لي على خبري مصون ..
والله ان كني بقدري
وبغلاي
ذي بقايا الحب وأطلال الجنون ..
والله أعلم في ضميره
وش بقاي!
غير طيعوني
ولا عاد تسكتون ..
ولا والله إن أسمعكم بكــــاي :

ياقو قلبك
على الصّـده و يـا صُـــبـرك
ويا وسع صدري
على صدك و يا صُبري

ويا طول عمـرك بذاكـرتي
و يا كُبـرك
ويا شيب عيني بشيّب
عـاد ذا كـُبري

والله لون حمل صبري فوقـك..
ان تبرك !
والله ولو تعتذر منـتبـ علـى خـبري

أن ما جبرك الغلا
ما اقدر على جـــبـرك
ياللي على ارض الوفـا ما شبرك بشبري

تـــزعل وترجع
وتـلقانـي على خبـرك
و أنا انكسر لك
و اجيك أدور لـ جبري

طـيفك وذكراك
طـيلـة غيبتـك سبـرك
وشوقي لشوفتك طيلة غيبتـك سبـري

امـــــحق وليف ومحبه
و إلاأقول ابـرك !
حسبي عليك : أعشقك و أنت تحفر قـبري

جابك الله
من غياب ٍ ضيّـق صـدور المبانـي
قبل لا الوحشة تزعزع بيتـك الصلـب و تبيـده
بيتك اللي من رحلـت
وكـل جدرانـه تعانـي
ما تحمل ينتظـر شهريـن وعيونـك بعـيـده ؟!
الله العالـم
لـو إنـك جيـت متأخـر ثوانـي
ما تشوف إلا بقايا مـن حصاه ومـن حديـده
من عرفتك
وأنت تايه من موانـي لـي موانـي
وتارك ٍ قلبي مولّـع مـن وقيـده فـي وقيـده
ضاعـت سنينـي أحـد بهـ اليالـي وتحـدانـي
وأنت ماتشبع غيـاب
و لا تخـاف مـن النقيـده
ودي أتحمـد لـك الله بـ السلامة
, ما مـدانـي
كل ما توصـل برحلـه ترجـع برحلـه جديدة
دام تدري كـل وجـه ٍ غيـر وجـه الله فانـي
ياخي أكسبلك ثواب
وخاف ربـك فـي عبيـده
كان فينـي عيـب قلي:فينـي العيـب الفلانـي
كان هرجي مزعلـك فـي شـي قلي: لا تعيـده
عيب تصغر في عيوني
وأنت برقـاب الغوانـي
كيف تستسهل طعوني وأنت خابرنـي وليـده ؟
لعنبوك أن مت بيدك من يفكك مـن أخوانـي ؟
لـ حزنوا ربعي على فرقـاي شـ اللـي تستفيـده ؟
أنت منت اللي عشقته
أنت أكيـد إنسان ثانـي
ليه صرت بهـ البـرود و بهـ الأحاسيس البليدة ؟
وين حبك للـ زعـل ..
ويـن العنـاد الأولانـي ؟
وين حنّية زمـان وفرحـة العمـر الرغيدة ؟
وين ذاك اللي اليا أقبـل مايبـات إلا بمأنـي ؟
وين راح اللي اليا أقفـى ما يـروح ألا فقيـده ؟
واحد ٍ مـن جابـه الله
بـس يامـر ويعصانـي
الوحيد اللي أخافه غصب وأمشـي معـه سيـده
(مابغيت أطيـح بيـده) ليـن ما ربـي بلانـي
ولا أنا لو هي بكيفـي (ما بغيـت أطيـح بيـده)
ذاك بس اللـي يامـن جيتـه يلخبـط كيانـي
اللـي بنظـره
ينشـف دم قلبـي فـي وريـده
قبل أشوفه
أجمع له أحلى القصايـد والمعانـي
وأن لقيته ما عرفـت أقـول لـي : جملـه مفيدة
ألف مـره قبلـه أعـد القصيدة مـن لسانـي
ولعنبوه أن جيت عنده قمت أخربـط بـ القصيدة
أمدحه
وأنـا أدري أنـه لـو تباطانـي نسانـي
أنطحه وأنا أعرفـه مجنـون وأفكـاره عنيـده
من يسوي بي سواتك يالرهيـف الاسمرانـي ؟
منهو من الناس غيرك غلطته ترفـع رصيـده ؟
من يقص(جناح طيرك)
وأنت أعز إنسان جاني ؟
ليه أخاف(رماح غيرك)وأنت ضرباتك سديدة ؟
ان تبعتك
أتبعك مـن طيبـي وواسـع بطانـي
ولا أنا لا جيـت أكيـد إنسان عـز الله بكيـده
أقدر أنزع لك ثيابـي وألبـس ثيـاب الأنانـي
وأقدر أطلع من عذابي
والعب بـدورك وأجيـده
ومستعد أكسب رهاني
لو بغيت أكسـب رهانـي
وأخدعك بحساس كاذب وأتحـدى مـن يصيـده
أبك أنا لي شفت خلّي حط غيـري فـي مكانـي
والله إني لتركه
وأن صـد لعشـق سيـد سيـده !!
جيت ما بيك تحقرني
جيت أبيـك تعـز شانـي
جيت أبي فزعة ضلوعك من مشاعـرك البليدة
خلني داخل (حدودك)
وأجبـر بخاطـر زمانـي
أكذب بـ باقي (وعودك) وأصدق بلحظـه سعيدة
انتشلني مـن (بـرودك)
لـو تولّـع بالمحانـي
عطني أحساس (بوجودك) وأخذ كل اللي تريـد
تكفى واليا قلت : تكفى
بيـع خلـق الله عشانـي
لا تضيّع من يدينـي فرصـة العمـر الوحيدة
يعلم الله شفـت منـك ومـن غيابـك ما كفانـي
كـان ما تقـدر تخفـف هـم قلبـي !!
لا تزيـده
شف غيابك وش يسـوي بالصـدور وبالمبانـي
وأنت تدري كيف كانت صدمت غيابـك شديدة
والله أنك لـو وصلـت البيـت متأخـر ثوانـي
ما لقيت إلا بقايـا
مـن حصـاه ومـن حديـد...

ليالــي نجد
ما مثلك ليالي
غلاك أول وزادالحب غالي
ليالي نجد للمحبوب طيبي
أمانه نور عيني ياليالي
- حبيبي
ليذكرت انه حبيبي
دريت انى حظيظ وزان بالي
على شانه
تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله
عنه ما جاني أول
غسل حبه جميع الهمّ تالي

يغار سمعي
و يشره كل وجداني
لا غاب صوتك نهار(ن) ما بلغ سمعي
ياللي لقيت بـ نواعس عينك
أوطاني
هي ديرتي
هي ملاذالقلب هي ربعي
أملـي النّظر من جمالك يوم تلقاني
و احبس خيالك
بـ عيني حبسي لدمعي
لا شفتك أعيش في عيونك ازماني
وآخذ من نجومها وأشعل بها شمعي
من نورها سالت الفرحة بـ ودياني
ومن سحرها
قام يورق بالذهب زرعي
يا واحد الحسن مالك بالعرب ثاني
عطني شرابك وخذ قرطوع من نبعي
غريب الأطوار و الغربات ميداني
هي غربة العمر
وافق طبعكم طبعي
أصبحت تغريبتي و أصبحت عنواني

بنادق مهجتي معبأ
فشقها و الغلا نيشان
أبا طلق روحي في قلب القصيد وأنبض أبياته
أبذبح حزني من أقصى الشعور لأول الإخوان
وأسيل عمره
وتشرب عيون العمر دمعاته
وحيد ولا معي إلا أخوي بـ داخلي غفيان
ترفرف ضحكته وأطلق نعاسي لـ صبح ضحكاته
في بالي أرقد وأدري
حزين وشارد و بردان
وأنا أنثر برده من فوق الخيال وجمر سجاته
ينام
وأعقد بعين الأغاني جمرة التحنان
ينام
وأعقد بعين البداية كل نهاياته
يدور قلبي تتفتت ضلوعه يطحنه حرمان
يجوع القلب
يحضني في جوعي وأكل فتاته
وأطل من الألم
أحضن حياة الشارع الولهان
يلملم حسرتي ويكسر وجودي بشوق إضاءاته
تعبت
تمليني طعون تصب من خنجر الخلان
تعبت
تستنزف عيوني دموع العين طعناته
ياخي أقعد الدنيا رمت من تحتي النيران
وهذا العمر
ما يحمل بجوفي إلا انكساراته
ياخي ...
ليه تغيب وليه تتركني وأنا شقفان ؟!
لقر من يقلب جبال الهموم بعزة إثباته
أعرفه لا وصل كنه صقر من صفوة الويلان
يكش جلد السما
إن شافت مخاليبه وهداته
رجالاً تربط حزام القبيلة وتنفلت شجعان
وأخوي
يربط رجال القبيلة حزام هقواته
كريم(ن) ماهو من يبني فعايل صيته بديوان
في صدره
دلته وهيله وفناجيله وتمراته
إذا كان الكرم حمس الهلا في مهجت الضيفان
أخوي
من حمس قلبه لضيفه وصب فزعاته
وكم تكف كرمت بين البشر ممزوعه الوجدان
أخوي قبل لا ترمى عليه تقط نخواته
حزين السيف
بكفوف الأوادم طافي ذبلان
بعد ما نام دم اللي سقى فعله وومضاته
ياخي أقعد وقعد خضوعي بداخل الشريان
تنام
ولا بقى هم(ن) قطف من دمي غفواته !!
غريبة و شلون يكسرك الغياب
ويغلبك نسيان
ودفتر جيتك ياخي طوى من عمري صفحاته
يجيني مدري
ولكن أعرف لا وصل جيعان
قسم وإن جاني لأنحرني لجوعه تحت خطواته
وصل زواله هذاك اللي وصل
ما يشبهه إنسان
هذاك اللي وصل شايل عذاب العمر وآهاته
وجيت ألحين ياخي بعد ما شالتك أمتان
بعد ما ودهم غسل الجسد عن كل نزواته
ابد لا ينغسل هذا الشهم
مغسول بالفرسان
أخويه من غسل روح الجسد في طهر نياته
أيا دفان ...
- دخيل الله - لا تدفنه يا دفان !
دخيلك خلني أدفن في بالي جمر بسماته
وهف بسماته
من هذا المكان لأخر الأحزان
وأنا أطحن موته في جوع الكلام وأخبز سكاته
أنام و شلون لا صار الإخو جايع : وأنا شبعان
أخوي اللي كسر قلبه
لـ جوعي وجاع لحظاته
أخوي اللي يمزمزني معاليقه إذا عطشان
أخوي اللي ثنى عمره
من أجل أطلع مسافاته
يدين القـــبر ضمني ـ
وسط حضن الأخو نعسان
أبرقد دام لي قلب(ن) دفن وياه نبضاته
أكيد أنه وسط قبره سمع طق الخطاوي ~ الآن
ألا ياليت أنا المدفون
وأنا أسمع طق خطواته !!

على هونك حبيب العمر ..
يمكن للصدف صدفه ..
عيون الليل و عيوني ..
في دربك تشتكي الترحال
انا في صدري لحبك .. حديثا يا كثرنصفه !
حبيبي مرني مره ..
ورده هل ظما لا سال
شهودي في هواك جروح..
مغليها وهي صلفه
تعال إن طعت بعض الشور ..
صافح هـ لوصل بوصال
ترى كلي لك وصالٍ ..
وصالٍ ما تعب كفه
أخاف أنام بعيونك .. ولا القى لشموس احبال
يشيلك هــ لصدر حب ..
ثقيل ما حنا كتفه
تخيل هـ لصدر واحة ..
وقلب صار لك شلال
أنا احبك حديثي يطول..
يتعب ما وقف نزفه
أنا في حبك العاشق
و أنا السامر و أنا الموال
يمر البارح البارح
سلامٍ ما بلغ شفه
ألا يا كبره إحساس..
حرام يموت ما ينقال
ابشكى للورق بعضي
وبعضي يرتجي عطفه
ألا يا مشغل أوراقي وقلبي ما كفاك البال ؟!

* أحبك
كذبة بيضا عشقتك عشق بعد وقرب
وغنت صوت قلبي لك
شفاه تجهل اسبابه
اموت بنظرة منك
وينبت في دروبي عشب
إلا منه شربني صوتك الفتان و احيا به
عظيمه هـ القلوب اللي تحب وخافق ماحب
حياته وش حياته لو يموت فراقها ولابه
أدور لك كلام أجمل
ولا أجمل من كلام القلب
وعمر القلب ما يكذب نهار يحدث أحبابه !
أطير لك حمام البال
وافقد كل ليله سرب
يمسيه الورق في حضنه الدافي و يدفابه
شعوري لو نثرته للـ هبايب كل جرح هب
وعنيت الهوى
وأهل الهوى والحب متشابه
حنين وشوق و أحلام كثيرة
و الحقيقة عذب
حلاته في عذابه من دخل دنياه يشقى به
عظيم الحب :
ـو أنت أعظم و أنا أعظم من جرحه الحب
حياتي عطرها نزف الشعور اللي من أسبابه

يا وجودي
كل ما هبّ صوتك من شمال...
وجد من حدّه زمانه على اللي ما يبيه..
ويا وجودي
كلما اضحيت ثم مال الظلال...
لا غفت عيني ولا ذقت شي ٍ مشتهيه...
وجد من قفّى وهْو في رجا كلمة : تعال...
وإلتفت من عقب ماْ اقفى ..
ولا أحد ٍ لدّ فيه..!!!
ويا عذابي
لا دنا الليل من روس الجبال...
وانتهى يوم ٍ من العمر ما عاد أرتجيه..
وانتي أبعد من سما الحلم
ووصالك محال...
يا بعد من هلّ دمعي ضحى الفرقا عليه.. !
يا غناتي لا تحسبين دمعي
يوم سال...ضعف
ولاّ خوف ..
ولاّ كذا ولاّ كذيه !!
والله إني من رجال ٍ يضدّون الرجال...
لكن الحظ ّ الردي ..
ساق دمعي كل أبيه !!
و والله ان قد لي وانا اصّد لا جالك مجال...
صدّة اللي لا تضايق
تذكّر قبر أخيه !
ووالله إني كلما دار حوليك الجدال...
قمت كنّ الموت يشّر على قبرى
بديه !!
ومن سألني قلت : مدري..
وإذا عاد السؤال...
قلت له تكفى سؤالك ترى ما هو وجيه !!
وش تبيني أقول
عن من ترى ذبحي حلال ؟
والخطا منها عليّ..صرت أحبه وأهتويه!!
عذرها لو ماْ تْعذّر مثل واضرب مثال...
واحد ٍ ما يعرف الحرّ الاشقر يشتويه !!
وان لفينا للتواصيف
لله الكمال...
لاْ انتهى ليل المزايين جاتك تبتديه !
كنّها غفل ٍ مع البدو طاويها الحيال..
ما يميّز وصفها
إلا نبيه ٍ من نبيه.!!
ياْ اول أحلام الطفولة على حد ّ الخيال...
الرجى
باللي حمى البيت من حملة بريه..
حال دونك سيف عنتر
وتاسع حول حال...
باْثر حول ٍ حال دونك وانا ادعى :
هيه هيه !!
هيه ياللي غرّك الحسن واطغاك الجمال
والله أني اموت
ما شفت لأوصافك شبيه !!
لو يسام الحسن والتيه بجنيه وريال...
ما بقى في سوق غيرك ريال ولا جنيه !!
كيف أهدّك للمقادير وانتي راس مال؟؟
راس مال ومال..
والمال ماْ يغطي السفيه !!
حافظك حفظي لعيني
ورمشي لك جلال...
وانتي تْشحّين بالما..وانا شفّي مويه !!
شايف ٍ ظلمك وساكت وطال الليل طال...
لا نويتي طعن قلبي وانا ما قلت ليه...
لو بقى للهيل صبر ٍ على فوح الدلال...
ما بقى للقلب
صبرٍ على شي ٍ يجيه!!
وانتي تْسوقين عقلي على حدّ الهبال...
تحسبين ان من بغى شي ..
يقدر يشتريه !!!
ولاّ انا يا وجد حالي
وجود ٍ ما يقال...
وجد من ضحّى بغاليه لْرضا والديه...
ويا وجودي
بأول العمر قبل ألبس عقال !!...
وجد من باع آخر العمر ..في رغبة ذويه !!
ويا وجودي
كل ما هبّ صوتك من شمال..
وجد من حدّه زمانه على اللي ما يبيه !!!

أنا مقدر
أكون إني حبيب في بعض أحوال
أنا كلي أجي
وإلا أروح بعزتي كلي
تخيرت الفراق
وما دريت إن الفراق وصال
أقول إني نسيتك
بس مدري كيف تاصل لي
خذاني لك سؤال في عيونك و الجواب محال
خذاني منـــك
دمع في عيوني مارضى ذلي
رحلت أنت
وتركت بداخلي طيفك وصبر طال
غدت ذكراك شمس ما تغيب و صورتك ظلي
حكيت و مالقيت من الحكي
إلا الـندم موّال
سكت ومت بالحسرة
ولا ادري وشهو أحسن لي
- أحبـــك
كل ما فيني يحبك يا خلي الـبـا ديــوآن [ ليــآلي نــجد ] - 849945

تخيلتك دواي
و صرت جرحي الصعب يا خلّي
تعبت أرحل مع وجيه البشر
بانساك بـ الترحال
و لا ادري وش يجيبك
في وجيه الناس : و اهلّي

حبيبتي
لا مـن غديتـي لـي سـراج اتبعـه
وكني غديت من الظما اركض
ويطردني السراب
لا تبخلين اليا شربتـك
ما شربتـك مـن سعـه !
دامي من جروح الهموم الموجعة كلي صـواب
اليوم مرتنـي السوانـي
والفصـول الاربعـه
اليوم مريـت الموانـي
والمبانـي
والسحـاب
اليوم ما كنـي لقيتـك
مـر صوتـك ماسمعـه
اليوم
ما كني فقدتك مـن سؤاليـن وجـواب
يا بنت في خدك وهج سيل الشمـوس الساطعة
احرق بداخل داخلـي إنسان ما هـو للتـراب
واللي خلق ظلـم الليالـي
بالعيـون الهاجعـه
إني من الحرمان اتسائـل
وحرمانـي جـواب
يوم الـوداع
تخيلـي مالـي حبيـب اوادعـه
محروم !!
أنا وتخيلي محروم حتى مـن العـذاب
يا بنت لـي قصـه
تطـول بكلمتيـن موجعـه
هي باختصار إني:
أنا اركض ويطردني السراب

يا هوه
يا كشخة
دموعـك زادتـك عنـدي وقـار
أدخل على الله
من دموع العيـن و اللـي صبهـا ..
تعال
و أضحك و اترك العالم
ورى سـور و جـدار
و ان سالت الدمعة من عيونك غصيبـه .. غبهـا
تكفى فديتـك ..
قـل لدمعـك لا يزيـد الأنهمـار
تراه يجرحني و لـو طـاول ضلوعـي ..
شبهـا
خل البكـاء لـ عيونـي الثنتيـن
و أشعلهـا شـرار
و ان كانها ما ترضي غرورك ..
تعـال و عبهـا
حرام تبكي !!
و أنت في قلبـي لـك أقمـار و مـدار
و أغصان روحي كل ما ذعذع نسيمـك .. هبهـا
في كل حاجه لي قرار ..
إلا أنت مالي بـك قـرار
أفرغت لك قطعة من أقصى الـروح محـد ٍ طبهـا
غصب ٍ على قلبي ..
بلا تفكيـر و بـدون اختيـار
أصبحت تسكن داخل ضلوعي كـذا .. مـن ربهـا
فأن شفت روحي تنتظر لقياك ..
و تمـوت أنتظـار
خذهـا بيدهـا و اقفـل عيونـك علـيّ و خبهـا
ما اعاد ابي من لذة الدنيا ..
بيـاض و لا سمـار
غير أنت يا أخـر مـن تعـدى فالحـدود و نبهـا !!
شلت البيارق ..
و انتزعت الفوز ..
و أجتحت الديار
و العالـم اللـي تنتحـل فعلـك خفوقـي كبـهـا
أغليك من قلبي
و أحبك و أعترف سـر و جهـار
و محبتك تكبـر و يصغـر
مـن ظلمـك و سبهـا
هاك المشاعر
و القصايـد
و الموانـي
و المنـار
و الروح
و ايتام الخفوق اللـي تشوفـه ‘ربهـا
تدري من المسكين في هالكون كله ..
بأختصـار:
اللي تحبه روحك العذبـه ..
و هـو مـا حبهـا !!

كـل مافـي الأرض يـنـذر بالمـفـارق
والغـيـاب
اللقا ..
والشمس ..
وحـروف الرسايـل ..
والقبـور
وش بقى يوم أكتشفت
أن آخـر الـدرب السـراب ؟!
والبحـر دمـع لسواحـل هاجـرت عنهـا الطيـور !
مالحزني صوت ؟
.. مدري هو خطـأ والا صـواب !
بس أعـرف أنـي حزيـن وصوتـي الليلة جهـور
مـن يدّثـر صوتـي الليلة
ويكسـب لـه ثـواب ؟!
مالهـا يالشعـر غيـرك أنـت ..
ياجبـر الكـسـور
يكفـي أنـي ..
لابكيـت بدونـك أشعـر بإرتـيـاب
وكل ما أبكي فيك ..
أشوفك لي ..
عن اللي فيّ .. سور
أدري بيوتـك عرايـا ..
لـكـن أوزانــك ثـيـاب
لبّـس جروحـي مـن أحزانـك وألبّسـك الصـدور
كـان يـامـا كــان
والنسـيـان للعـشّـاق بــاب
عاشق ٍ لاشـدّ درفـة بـاب ..
صـاح بـلا شعـور :
يقـدر النسيـان ينـزع غصـن مـن فـوق التـراب
بــس مايـقـدر يـقـرّب
للـتـراب ولـلـجـذور
كيـف أبنسـى ذكريـات الطيـش الأول ..
والشبـاب
ورفقـة الليـل العتيقـه ..
وأول الفجـر الطـهـور
والمواعيـد وشغبهـا ..
والـولـه قـبـل العـتـاب
وساعـة ٍ كـم كنـت أحـاول فـي عقاربهـا تـدور
والمكـان اللـي وهـن سقفـه مـن الفرقـى وشـاب
مـن بعـد ما كـان يحضّنـا مثـل طـفـل ٍ غـيـور
والمطـر لا لـوّن الشـارع ..
وقلـنـا للسـحـاب :
بلـلّ أيدينـا .. تـرى العشّـاق أياديـهـم زهــور

لا تكّدر خاطـرك
ضيقـة حبيبـك يـوم قـال :
أيه أحبك يا بعدهم بـس أنـا ويـن آغـدي
ضيقتي ماهيب بس اليـوم
يا بنـت الحـلال
ضيقتي
لها ثلاث سنيـن تاكـل مـن يـدي
ضيقتي
ما في وفاهـا يا بعـد عمـري جـدال
كل ليلـه تبسـط يديهـا وتفـرش مرقـدي
ودي أسكت
بس أعرف الحظ لا من مال .. مال
لي متى والصمت ينهش في ضلوعي وجسدي
شوفة عيونك..
هموم وضيق خلق وقل حـال
وش أسوي دام حظـي يا بعـد عمـري ردي
هي كذا عيشة حبيبك
لـو تظاهـر بالكمـال
أقرب أيامـه سعادة بعدهـا بعـد الجـدي
هي كذا وأنتي بكيفك ..
ما بقى فيهـا سـؤال
فيه دمعه في عيونـي تنتهـي أو تبتـدي ؟!
كلهـا مابيـن كلمـة روح
أو كلمـة تعـال
كلمةٍ فيها أضيـع ..
وكلمـةٍ منهـا آهتـدي
هذا كل اللي بقوله..
وأعـذري قـل الوصـال
والله أدري بك زعلتي بس أنا ويـن آغـدي

والله يعني مانيب عارف وش اقول ووش اخلي

موضوع اعلى من قمة الروعهـ

من ابطل مشرفهـ

.. روحي تحبكـ، ..

تسلم يمنآك على هالموضووع الي تعبتي فييهـ

وننتظر المزيد من الابدآعآت البطلهـ منكـ،

ودي يسبق ردي

حبه و 3 ارباع

منــوور يآ بطــل ديــوآن [ ليــآلي نــجد ] - 59740

يعطيك ربـي العآفيـه ع الطلــه الحلووه ديــوآن [ ليــآلي نــجد ] - 203583

تسلم ذائتك الشعريه اختي روحي تحبك ..

دائم الابداع له ناسه لاكن انتي فوق كل هاناس

يعطيك العافيه على هل ابداع

{ ديــوآن [ ليــآلي نــجد ] - 993168

}